كاميرا ملزوقه علي الحيط

كان فيه اب كل يوم يجيله شكاوي من المدرسين بسبب ابنه انه مبيزاكرش
راح الاب قرر قرار انه يشتري كاميرا للمراقبه ويحطها في اوضة ابنه علشان يقدر يراقبه ويشوفه بيذاكر ولا لا
وقال لأبنه انا مش هفضل قاعد معاك في الاوضة 24 ساعه بس الكاميرا دي هتسجل ليا انت يومك كان ماشي ازاي وانا كل لما اجي من الشغل هتابع الشريط بسرعه واشوف
المهم الابن اضطر يذاكر بجديه لان الموضوع دلوقتي مبقاش زي الأول
وبدأ المدرسين يحسوا بتفوقه الملحوظ عن الأول
عدت سنة في سنة في سنة والأبن خلص مرحلة الثانوية ودخل كلية من كليات القمة
وفي الوقت ده قاله الأب انا مضطر اقولك علي سر خطير كنت مخبيه عليك طول السنين اللي فاتت
وراح وراله الكاميرا اللي في الاوضه وقاله دي مجرد كاميرا ملزوقه علي الحيط ومش بتسجل اي حاجه
مجرد وجودها قدامك كان مخليك بتذاكر بجديه علشان ترضيني ..
والرضا ده في الاخر عاد عليك انت بفرح ومستوي تعليمي تفتخر بيه دايما
----
احنا كده بردو في حياتنا ... لو خلينا عندنا ايمان ان ابونا السماوي شايفنا طول الوقت وشايف احنا بنعمل ايه اعتقد هنعمل كل اللي يرضيه .. لكن احنا للأسف سبب خطايانا اللي بنعملها اننا بننسى انه شايفنا .. بنتكسف نعمل الغلط قدام الناس .. لكن بينا وبين نفسنا عادي

كاميرا ملزوقه علي الحيط 997041_10153080570350968_3202713874591408520_n

كاميرا ملزوقه علي الحيط 997041_10153080570350968_3202713874591408520_n

» كاميرا الحياة ولحظات من حياتنا