كلمات ترنيمة شوفت في الكنيسة

1- شفت فى الكنيسة شوية أيقونات

صور قديسين و صور قديسات

2- كل ما ألمس صورة آخذ بركات

أحلى ما فى الكنيسة حضور القداسات

3- الحمل يتقدم ثلاثة قربانات

أو خمس قربانات أو سبع قربانات

4- و القربانة عليها ثلاثة تقديسات

و فيها خمس خروم للخمس جراحات

5- و المسيح عاوزنى أصنع الصالحات

و أبونا يعلمنى أن أحفظ آيات

6- نبدأ الأجبية كتاب السبع صلوات

و كل صلاة ليها وقت من الأوقات

7- أول ما أبدأ أصلى أشكر صانع الخيرات

ولما أنهى الصلاة أطلب من العذراء الشفاعات

8- إفنوتى ناى نان قال أبونا عشر طلبات

و ماسك فى ايدة صليب و علية ثلاث شمعات

9- مش ممكن أتناول من غير اعترافات

و أبونا يحاللنى من كل الرباطات

10- رباطات الخطية هى العثرات

المسيح يقطعها من بعد الرشومات

11- دى كنيستى عملت لى فى كيهك سهرات

طول الليل أصلى أقول أربع هوسات

12-وفى العذراء أفضل أمدح فى سبع تذاكيات

يبقى سبعه و أربعه تسابيح و تمجيدات

13-أنا مسيحى ما أخافشى من أى اضطهدات

دا المسيح شال عنى جميع الآلامات

» كلمات ترنيمة إصنع بنا نهضتك
» كلمات ترنيمة أنا باحبك يا ربي
» كلمات ترنيمة يا ربي.. يا نصيبي
» كلمات ترنيمة خنت الوحيد
» كلمات ترنيمة باب السماء مفتوح