شوية نصايح كده ع الماشي
1- لإزالة رائحة البصل والثوم من يديك، ادعكيهم بملعقة ستانلس ستيل لأن الستانلس يقوم بإمتصاص الروائح.
2- يمكن ايضا استخدام حبات القهوة الطازجة للتخلص من الروائح في يديك.
3- إذا زودتي الملح وأنت بتعملي الشوربة بالغلط، ما عليك إلا أنك تحطي بطاطساية متقشرة وهي هاتقوم بالواجب.
4- لما تيجي تسلقي البيض، ضيفي شوية ملح صغيرين علشان القشر مايت**رش
5- أوعي تحطي أبدا أي فاكهة حمضية (برتقال – يوسفي – جريب فروت... ) أو طماطم في الثلاجة. الحرارة المنخفضة بتقلل الطعم والرائحة بتاعت الحاجات دي. وكمان غالبا بتبوظ الطماطم أسرع.
6- علشان تنظفي البراد الكهربائي (Kettle) من ترسبات الكالسيوم، أغلي فيه خليط متساوي من الخل الأبيض والميه وبعد ما يغلوا أرميهم وابدأي استخدميه عادي.
7- لما تكوني بتعملي صوص ويتحرق منك، انقليه بسرعة لطاسة نضيفة وكملي طهيه بس افضلي زودي شوية سكر صغيرين ودوقي علشان تتأكدي أنك مش هاتزودي سكر كتير. السكر هايضيع طعم الشياط اللي فيه.
8- الرز اتحرق منك وأنت بتطبخيه؟ حطي حتة عيش فوقيه وهو لسه في الحلة لمدة 5-10 وهتلاقي العيش امتص ريحة الشياط تماما. بس خلي بالك وأنت بتغرفي ماتحطيش من الرز اللي شايط في قعر الحلة!
9- قبل ما تيجي تقطعي فلفل حامي، ادعكي ايديكي بزيت طعام علشان جلدك مايمتصش الزيوت الحارة الموجودة في الفلفل.
10- لو عايزة تعرفي البيض اللي عندك طازة ولا لا، انقعيهم في شوية ميه. لو البيض طازة مفروض أنه هايغطس تحت في القعر.
لو طرف من البيض بس اللي طلع فوق الميه، يبقى البيض مش طازة قوي ولازم يستخدم قريب. أما بقى لو لقيتي البيض عايم على وش الميه،
فهو أكيد مش طازة خالص!