صمتا" ليتحدث الله

زائر

صمتاً ليتحدث الله

==========

هي عاوزة تروح المصيف وهو مش راضي

ايمان : لازم نروح المصيف العيال زهقانة والجو خنيق وانا فعلا تعبانة .

عماد : انا عندي شغل والاجازات صعبة واليوم اللي هغيبه هيتخصم 3 ايام يعني هيخصموا 21 يوم وغير كدا وكدا هنصيف بفلوس المدارس من فضلك الغي الفكرة من دماغك.

أيمان : تنظر له بعند انا نفسيتي تعبانة هنصيف يعني هنصيف انا محتاجة اغير جو حس بيا من فضلك انا طول السنة مضغوطة ومحتاجة تغيير جو .

عماد : ينظر لها برفق حاضر جهزي الشنط وانا بكرة هاخد اجازة ونسافر بعد بكرة .

وفعلا سافروا وقضو يومين حلوين وفي اليوم التالت حصلت مشكلة رهيبة بنتهم ماجي تاهت منهم على البلاج وطبعا اول ما حصل كدا عماد قال البق اللي هيقوله اي راجل (انا من الاول يا ست هانم قولت بلاش قلبي كان حاسس) وايمان بتبكي بحرقة رهيبة ومتوترة وخايفة انه اقصى تجربة مرت في حياتها بنتها تايهه ومفقودة ماجي هي اقرب بنت لقلبها هي اخر العنقود ومدلعة وعماد هيتجنن بيدور بعصبية ومتوتر وكل شوية يبص لايمان نظرات تأنيب بتوجعها وتألمها لانه بيحسسها انها السبب وبعد ثلاث ساعات اغمى على ايمان من كتر الضغط العصبي فتكاثر حوليها الناس لمحاولة افاقتها وكانت هناك أثرة ثرية جدا مجدي بيه وزوجته صاحب مجموعة شركات قاعدين في نفس الشاطئ بس من بعيد فقالت الزوجة لمجدي روح شوف في ايه فذهب مجدي ليجد ايمان في حالة اغماء واعياء شديد وعماد في حالة ثورة وغضب وبكاء انه اقوى موقف مر عليهم خلال حياتهم فساله مجدي وقاله : في ايه ؟؟؟؟ تعلثم عماد ولا يستطيع التحدث ولا يعلم ماذا يفعل هل يجلس بجوار زوجته ام يبحث عن ابنته فقال له بصوت باكي ومنهار بنتنا ماجي تايهه ومراتي ايمان مغمى عليها فابتسم مجدي وطبطب على كتف عماد قاله البنت عندي مع زوجتي احنا لقيناها كانت عمالة تعيط دورنا علي ابوها وامها ولم نجدهم تعالى خدها وذهب عماد وقلبه يكاد ينفجر من الفرحة ليجد ماجي نائمة كالملاك في حضن الزوجة التي حرمها اللي من الاطفال ليشكرها ويذهبوا بها لايمان التي فاقت واحتضنت ماجي بقوة وظلت تقبلها بجنون وحنو وتبادل مجدي وعماد الحديث وعرف انه تعبان في شغله ليعرض عليه ان يعمل معه في مجموعة شركاته بمرتب مغري ثلاثة أضعاف .

اخواتي وابائي الله قد يستخدم اخطائكم اوقاتا كثيرا لخيركم فهو الله كلي الرحمة والمحبة ارجوكم حاولوا تصمتوا ليتحدث الله .