كرات ورق الزعتر اﻷخضر المحشوة بالجبن

كرات ورق الزعتر اﻷخضر المحشوة بالجبن
أما شو عملتكم عجينة جديدة بالزعتر ....يا سلام شو طلعت زاكية.... وكمان طريقتها سهلة وما فيها تعقيد ومن هﻷ ومن قبل ما أكتبلكم المقادير.....
هالعجينة سر زكاوتها إنها بتكون كتيييير طرية لما تعجنوها....فما تحكوا سحر كتبالنا مقادير الماء غلط...على فكرة أنا بستخدم طحين الزهرة لكل أنواع معجناتي وأنا بعتبره أحسن طحين موجود بالسوق ....
*المقادير*:
-4كوب طحين.
-4م.ك حليب بودرة.
-1م.ك خميرة.
-1م.ك سكر.
-2 م.ص ملح.
-1 1/2 كوب ماء دافئ.
-1/4كوب زيت زيتون.
-1بيضة مخفوقة بالشوكة.
-2 1/2 كوب ورق زعتر أخضر.
-جبنة بيضاء للحشو.
**الطريقة**:
-إنقعي الخميرة مع السكر والماء لمدة 7 دقائق مع ضرورة تغطيتها.
-أضيفي الطحين والحليب والملح والزيت والبيضة وأوراق الزعتر وإعجني الكل جيداً حتى تتكون لديك عجينة ملساء وطرية جداً جداً. ....أتركيها لتخمر في مكان دافئ حوالي ساعة ونصف....
-اﻵن قطعيها إلى كرات صغيرة وصفيها على صينية مدهونة بالزيت..... لا داعي لتغطيتها....
-إشعلي الفرن وجهزيه للخبز....
-عند اﻹنتهاء من تشكيل الدوائر فورا إبدإي العمل بها وقومي بحشو كل دائرة بقليل من الجبن وشكليهم بيديك على شكل كرة وصفيهم متباعدين عن بعض بصينية مدهونة بزيت زيتون ورشيهم بالسمسم اﻷبيض
-أدخلي الصينية إلى الفرن لتخبزيها ......ثم إبدإي العمل بالكمية المتبقية وهكذا.....
-إخرجي صينية كرات الزعتر من الفرن عندما تتحمر وتأخذ اللون البني وإدهنيهم بقليل من زيت الزيتون وقدميهم ساخنين أو باردين كله زاكيييي...
وصحتين وهنا على قلبكم ♡