إقبلني يا شربل بخور بقداسك بعمرك قضيتو

شربل عُمرَك مَضّيتو قبال القربان وعَ قدّاسك مَضّيتو: "اقبلني قربان"!

مِن انتَ وطفل وتِحلَم بالإستحباس وتقرا وتكتُب تِتعلّم تخدُم قِدّاس

يا شربل الله أعلم بقلوب الناس بقلبَك أسرارو سلّمْ طفل ورغبان

شبّ وفيك بقاعكَفرا تتوَسّم خير هجرتا وغامرتِ بسفرا ماشي عَ الدير

وبمطارِح قفرا نفرا ما فيها طيرْ طرت وعَ جوانح صفرا بنارَك لِهبان

راهب دارس تتأنّى بعِلْم اللاهوت وفكرك صافي يتغنّى بسرّ التالُوت

وبكهنوتَك تتهَنّى القرباني قوت وقلبَك تِغني وتتمنّى تِغنِى الرهبان

ومحبستَك شو حلياني بآخر قِداس وروحك نِعمِه مليانِي وكلَّكْ إحساسْ

بإيدِ رفعتِ القرباني وبإيدِ الكاسْ وغبت بعالم رِبّاني بقَلبِ القربان

شربل عُمرَك مَضَّيتو قبالِ القربان وعَ قداسَك مضّيتو: "إقبلني قربان"‍!

إقبلني يا شربل بخور بقداسك بعمرك قضيتو 1044615_179126885598162_1809102595_n

زائر

» قراءة عن القديس شربل - عن كتاب شربل إنسان سكران بألله
» شربل مجنون بألله "من خمس رسائل متبقّية من كلمات مار شربل "
» ظهور مار شربل
» مار شربل ع طول بالمحبسة
» تواليل أو بخور