بيع الدنيا وماتسال

بيع الدني وما تسأل
خلي الامل بعينيك يتقل
ما في شي حرزان
الا انت يا انسان
الصعب بالبسمة بيسهل

بيع الدني ولا تخلي الجروح
تبصم ع جبينك وهدات
تلغي الحلا وتهد فيك الروح
اللي راح ما بيرجع
بتحاكيه ما بيسمع
بيهد بيناتكن كل الصروح

من هون بيع الدني وشويي
ونظرة جميلة لحاضرك يا خيي
ملي المطارح بالورد بالضحكات
بعجقة حلا عابقة بنظرات
لا بترحم ولا بتقول للماضي خطيي

بيع الدني وما تقول لاء
مش انت بيكون عليك الحق
الحق ع اللي كامشها بالمقلوب
شادد ع حالو ومضيع المكتوب
تعبان ومتعّب اللي حواليه
وكانو شارك بعذاب المصلوب
وما بعمرو بواب السما بيدق

بيع الدني واشتري الحاضر
ما تضل هيك على المفرق ناطر
لو زرعوها بالوعر
فرخت يا ريت بالحفر ...
والماضي انت باقي مكسور الخاطر

بيع الدني وما تسأل ...
خلي بعينيك الامل يتقل
ما في شي حرزان
الا انت يا انسان ...
الصعب بالبسمة بيسهل

زائر

[ltr]شكرااااا لك استاذي الكريم كلمات قصيدتي رقصت طرباااا في صفحتك الكريمة [/ltr]

[ltr]ولي الشرف ان تكون قد نالت استحسانك [/ltr]

[ltr] :flower:[/ltr]

» في هذه الدنيا
» كل الدنيا غربه
» الناجحون فى هذه الدنيا
» اصعب حاجة فى الدنيا
» انت مالى الدنيا علينا