طريقة عمل كيكة تفاح
الكمية تكفي:6 أشخا ص
وقت التحضير:20 دقيقة
وقت الطهي:20 دقيقة
المقادير:
كوب زبدة سايحة
1 كوب سكر
3 كوب دقيق
4 بيضات
1 معلقة كبيرة بيكنج بودر
1 معلقة كبيرة قرفة
1/4 معلقة صغيرة ملح
صوص التفاح حوالى 5 تفاحات
1/4 كوب زبدة
2 معلقة صغيرةنشا
1 معلقة كبيرة قرفة
1/2 كوب سكر او لو عاوزة اكتر براحتك
1/2 كوب زبيب
التحضير:
نعمل الصوص علشان يبرد
بنسيح الزبدة و نضيف عليها التفاح و السكر و نقلبه لحد ما يدبل التفاح
و نضيف الزبيب و القرفة و نقلبه لحد ما يطرى الزبيب
و نضيف النشا علشان الصوص يتماسك
[ لو الصوص قليل ممكن تزودى شوية عصير تفاح صغيرين ]
و نقلب لحد ما يتماسك شويه الصوص و نسيبه يبرد
للكيكة بقى نضرب الزبدة مع السكر كويس
[ الكيكة دى ممكن نعملها من غير مضرب كهربا نقلبها بمضرب سلك يدوى]
نضيف الدقيق و البيكنج بودر و الملح و القرفة و نقلب و حاتكون العجينة سميكة شوية
نحضر قالب مشرشر [ علشان يبقى شكله شبه التارت ] و نحط ورقة زبدة و ندهنه زيت بسيط
و نصب فيه العجينة الطبخ: تدخل فرن وسط حوالى 1/3 ساعة او لحد ما نختبرها
بعصاية الشيش طاووق و تطلع نظيفة
نقلبها على شبكة سلك لحد ما تبرد و نحطها فى طبق التقديم و نصب عليها صوص التفاح البارد
انا زينتها بالرمان لانه اللى كان عندى انتى زينى باللى تحبيه رغم انها مش مستاهلة
لانها مزينة نفسها بالصوص