من أوّل حرف

موضوع: من أوّل حرف الأربعاء مايو 28, 2014 10:11 pm

مش هون كان اللي عايش بقلبي

مش من حكايا الماضية الجن والأنسي

كان غير مدارات البشر

فوق ع حدود السّما في إلي نجمي

من أوّل حرف ...انخطّ ع أوّل السّطر

الحروف كانت مختلفي

مزيّني بوعود محّاها القدر

وحمّل معو فرحة نديّة وعتّم البسمي

وصار من بعيد يوميلي بحكايات السّهر

ويطلّ متل شي نجمة بهالعتمي

وع حدود مجهولة يرسملي

دواير غرقاني بقيود مشتركي

مع هاك الطّيف الرّابض على كتفي

مع كلّ طلعة شمس

بأحلام كانت إلنا يذكّرني