كيف تتعامل مع نفسك وقت الحزن الشديد ؟

++كيف اتعامل مع نفسى وقت الحزن الشديد والمميت للنفس++++

قيل عن المسيح انة مختبر الحزن عشان لما حد من ولادة يقلوا انا حزين حزن شديد ومكتائب يقلوا انا حاسس بيك انا اللى قلت نفسى حزينة حتى الموت وانا اللى دست معصرة الحزن وحدى وحدى يعنى محدش فى الدنيا تحملها وكلمة المعصرة يحسها الحزنى والمتالمين واللى عندهم ضغط نفسى ان قلبهم يعتصر من الحزن وتلاقيهم يشوفوا كل حاجة غلط وكل حاجة وحشة نتعامل مع الحزن دا ازاى

1- وقف مخك وشغل قلبك وقف صوت نفسك الداخلية اللى بتقولك عملوا فيا وسوا فيا الصوت دا صوت نفسك الداخلية وصوت مش حقيقى وقف افكارك المحبطة دى لانها بتزود حزنك

2- لا تتأمل كتيرا فى الناس لان كما خذل التلاميذ المسيح قد يخزلك الناس فالحزن حزنك انت والشيلة شلتك انت وانما الناس قد يخففوا عنك فقط وان الناس حسوا بيك مرة مش حيحسوا بيك كل مرة

3- وانت فى حزنك قول كدة هانت وشكلى حشوف حاجة حلوة زى التلاميذ لما كانوا خايفين من الريح ولقوا المسيح جاى على الماية طمنهم ومش بس كدة قال لبطرس تعالى امشى معيا على الميا وبقت فسحة ( الضيقة تتحول لفسحة ولفرح بالصلا وبوجود المسيح معاك فيها)

4- توقع ملاكا معزيا لابد ان ياتى لك فى حزنك لانة فى كل ضيقهم تضايق وملاك حضرتة خلصهم

5- فيما هو كان مجربا يستطيع ان يعين المجربين الاب اللى عندوا مشاعر طيبة دا عمرة محيسيبك ابدا تسير فى حزنك وحدك انما سيعطيك المنفذ لكى تستطيع ان تحتمل لذلك وانت بتشيل حزنك عنك اوعى تكون بتشيل خبرات مع ربنا حتقويك بعد كدة

المسيح يعطيكم جميعا حياة الفرح ويحفظكم من كل حزن ردىء