تعالوا نعرف ازاى الشهيد أبو سيفين كان عايز الراهبات يحتفلوا بعيده فى

تعالوا نعرف ازاى الشهيد أبو سيفين كان عايز الراهبات يحتفلوا بعيده فى 16/6
تحكى أمنا الغالية تماف إيرينى فتقول:
" في يوم الراهبات قالوا لى : " ليه مش بنحتفل بعيد الشهيد في 9 بؤونه الموافق 16 يونيه ، وده عيد مهم ؟"
فقلت لهم :" اذا كان الشهيد عايز نحتفل له بالعيد ده يبعت لنا مستلزماته واحنا نعيد له ."
فقبل العيد بيومين فوجئت بظرف به مبلغ 20 جنيه أرسلته للدير أمنا كيريا إ سكندر رئيسة دير مارجرجس وكتبت عليه " شركة بركة في عيد الشهيد أبي سيفين "
اتصلت بها وقلت لها :" إنتى عارفه إننا مش بنحتفل بالعيد ده
قالت :" وأنا بصلي لقيت هاتف داخلي بيقولي أرسلي مبلغ كذا للدير للإحتفال بالعيد فقمت بتنفيذ الكلام
فشكرتها وكان معايا خمسة جنيه فأصبح المبلغ 25جنيه فقلت نعمل سندوتشات بطاطس مقلية وطعمية وسلطة للناس إللي هييجوا الدير يوم العيد من كنيسة الشهيد الأثرية
ولما فتحت أمنا البوابة باب الدير صباح يوم العشية وجدت قفة كبيرة مملوءة سمك طازج
فلما عرفت قلت لها :" سيبيها في مكانها يمكن صاحبها تركها وراح يجي ياخدها ولما طالت مدة الإنتظار وبسبب خوفنا علي السمك من حرارة الجو قلت للراهبات ينضفوه وإن سأل حد عنه ياخده
فعلاً الراهبات وقفوا كلهم يشتغلوا في السمك وأثناء الشغل سمعوا صوت حركة حصان فالكل التفت ناحية الصوت وشافوا الشهيد أبي سيفين واقف
فطبعاً قاموا كلهم ووقفوا يقولوا تمجيد للشهيد وبعد ما اختفي رجعوا تاني يكملوا الشغل
ولكن نفس الظهور تكرر بنفس الطريقة مرة ثانية فوقفوا يقولوا تماجيد وكان الشهيد يتمخطر علي الحصان تبعاً لنغمة التمجيد وعند معاودة الشهيد للظهور للمرة الثالثة قالت له أمنا أغابى :" اقعد معانا علي طول علشان نخلص ."
في الوقت ده كان المعتاد إن الناس اللي بتزور الدير في يوم العيد لا يتعدوا بالكتير 50 شخص لكن في اليوم ده على غير المتوقع فوجئنا بوصول ست أتوبيسات رحلات من إسكندرية ومن الصعيد
فقلت للراهبات :" تعالوا نصلي إنجيل الساعة التاسعة علشان تحل بركة ربنا والسمك الموجود يكفي كل الناس
وفعلاً ربنا بارك والأكل كفى كل الناس وزاد ومن هنا بدأ الدير يحتفل بأعياد الشهيد الثلاثة

تعالوا نعرف ازاى الشهيد أبو سيفين كان عايز الراهبات يحتفلوا بعيده فى 10300214_245484762316636_4924057313189373943_n

تعالوا نعرف ازاى الشهيد أبو سيفين كان عايز الراهبات يحتفلوا بعيده فى 10300214_245484762316636_4924057313189373943_n

تعالوا نعرف ازاى الشهيد أبو سيفين كان عايز الراهبات يحتفلوا بعيده فى 10373513_245484732316639_1153274526957310163_n

كلّ شيئ عند الله مستطاع

بركة شفاعته و صلواته تكون معك و مع الجميع

تعالوا نعرف ازاى الشهيد أبو سيفين كان عايز الراهبات يحتفلوا بعيده فى HYW-C1

» كل مايخص الشهيد العظيم فيلوباتير مرقوريوس ابو سيفين
» شفاعة الشهيد العظيم مرقوريوس أبو سيفين تكون مع الجميع
» لقديسون إينوكنديوس الشهيد وبيور النتري البار وإيسافروس الشماس الشهيد(17 حزيران)
» الأحد الثاني بعد العنصرة - القديسون الشهيد زينون وإفسابيوس أسقف سميساط وزيناس الشهيد (22 حزيران)
» ازاى تعرف المتزوجه